نیویارک: منہیٹن ڈسٹرکٹ اٹارنی الوین ایل براگ جونیئر نے اعلان کیا ہے کہ نیویارک پولیس ڈپارٹمنٹ کی سابق سارجنٹ رینا ریمپال عرف مادھو پر تقریباً 1,32,366.85 ڈالر کی تنخواہ اور اوور ٹائم چوری کرنے کے الزام میں فرد جرم عائد کر دی گئی ہے۔
ڈسٹرکٹ اٹارنی کے دفتر کے مطابق 42 سالہ ریمپال پر الزام ہے کہ انہوں نے 30 ستمبر 2022 سے 21 نومبر 2024 کے دوران ون پولیس پلازہ میں فوٹوگرافک یونٹ کی سپروائزنگ سارجنٹ کے طور پر کام کرتے ہوئے تقریباً 1,680 گھنٹے کے ایسے شفٹس اور اوور ٹائم کا دعویٰ کیا جو انہوں نے درحقیقت انجام نہیں دیے تھے۔
تحقیقات میں سامنے آیا کہ ریمپال نے جعلی اوور ٹائم سلپس اور پے رول ریکارڈ جمع کروا کر یہ رقم وصول کی۔
کون سے الزامات لگے
نیو یارک اسٹیٹ سپریم کورٹ میں دائر فرد جرم میں ریمپال پر درج ذیل الزامات عائد کیے گئے ہیں:
1. گرینڈ لارسی نی دوئم ڈگری – کلاس C فیلنی، 1 کاؤنٹ
2. فرسٹ ڈگری میں بزنس ریکارڈز جعل سازی – کلاس E فیلنی، 4 کاؤنٹس
پراسیکیوشن کا مؤقف
ڈی اے براگ نے کہا کہ “جیسا کہ الزام ہے، رینا ریمپال نے سارجنٹ جیسے قیادت کے عہدے پر ہوتے ہوئے این وائی پی ڈی سے تقریباً 1.32 لاکھ ڈالر چرائے۔ وہ شہری ملازمین جو دھوکے سے شہر کے خزانے کو خالی کرتے ہیں انہیں جوابدہ ٹھہرایا جائے گا”۔
یہ کیس فنانشل فراڈز بیورو کے اسسٹنٹ ڈسٹرکٹ اٹارنی اسٹیفن میک آرتھر چلا رہے ہیں، جس میں این وائی پی ڈی کے انٹرنل افیئرز بیورو نے تعاون کیا۔
دستاویزات کے مطابق ریمپال کوئنز، نیو یارک کی رہائشی ہیں۔ قانونی طور پر وہ اس وقت تک بے گناہ تصور کی جائیں گی جب تک عدالت میں جرم ثابت نہ ہو جائے۔
Leave a Reply